Од година в година се поголем е интересот за учество во крводарителските акции што ги организира риболовното друштво „Мак – Дам“ од Куманово, а годинава значителен процент од крводарителите беа жени. Ова е шеста акција за дарување на крв, а очекувањата на членовите на риболовното друштво се дека годинава ќе бидат собрани над сто единици.
-Вообичено имаме по 90 крводарители, оваа акција очекуваме над 100, станува збор за успешна акција . Планираме по две акции наредните години,а има и нови членови, изјави Зоран Стојмановски од риболовно друштво „Мак-Дам“
-Лани имаше 80 крводарители, претходната 92, сега очекуваме над 100. Интересно е што процентот на жените дарители на крв се зголемува. Друштвото постои од 2006-та година. Сега рекреативно учествуваме на натпревари во земјава, но и на меѓународни натпревари, купови и други активности, изјави Марјан Вељановски, риболовно друштво „Мак-Дам“
Акциите секогаш се реализираат во соработка со општинската организација на Црвениот крст од Куманово и Институтот за трансфузиона медицина.
Крводарителската акција се реализираше во малата сала на центарот за култура „Трајко Прокопиев“.